ياربنا ياخالق الانس مـن طيـن
والجن من نـار تلاهـب وقدهـا
عنا على نصرة ختـام النبييـن
ياحامي الكعبه من اللي قصدهـا
قصيدة ترسل على الفاكس ذالحين
ايات رب الكون صافـي مددهـا
تكفى يابومتعب صعوط المجانين
قواتنا في مواجـه الكفـر قدهـا
قدها مثل ام المعـارك وحطيـن
عد النصر وهيبة الديـن عدهـا
خلنا ندوس خشوم ذولا المعادين
والعين نعميهـا وندبـل رمدهـا
سحابـة جينـا لربـي ملبـيـن
الله أكبر ..كل ماأصحى رعدهـا
مليار مسلم واضحين العناويـن
مثل الحرار الصامله في هددهـا
مليار مسلم ..الدنمارك من وين؟
وين الديار اللـي ينكـت ولدهـا
مايدري انه ناش سـم الثعابيـن
وان ضحتكه بتنوئد فـي مهدهـا
مايدري انحـن مانقـدم قرابيـن
ولانصلـي للصليـب وعمـدهـا
حنا هل التوحيد حمايـة الديـن
من أمـة بتاخـذ الحـق يدهـا
يارب اسمائك تسعـه وتسعيـن
بكتابك الطاهـر وردنـا عددهـا
نسئلك باسمائك عذاب من الحين
لهعجوا الدنمارك بامرك هجدهـا
موضوع: قصيدة في نصرة نبينا محمد صلى الله عليه وسلم ابان الحمله الدنماركيه الكاركتوريه القذره 
الخميس سبتمبر 10, 2009 5:11 am
