عاشق طفلة

انا الغلطان يوم اني نزلت لمستوى طفلـه -=-=-=- ازعل نفسي بنفسي وافكر لجـل اراضيهـا
وكني ما وعيت الا وصمتي جا على غفلـه =-=-=-=- اخذ من لحضتي ساعه وقال انـي مجافيهـا
ابد ما تهمنـي دموعـك ولا تهمنـي زلـه -==-=-=-=- وروحي واصله القمـه ولا مثلـك يوطيهـا
صبرت وملني صبري وعليك السيف باسله =-=-=-=- ابرفع عزي بسيفي وصروح العـز ببنيهـا
وانا ما همني كلمه تجي مـن زلـة الخبلـه =-=-=-=-=- عزيز النفس والكلمـه تباهينـي بمعانيهـا
انا ربتنـي اقـداري اعقـد الحبـل وافلـه -=-=-=-=-=-= افله وقت ما ابغـى والعقـده انـا الويهـا
كريم الطبـع لكنـي اضـوج بفعلـة العلـه -=-=-=-=-=- اسايرها واسايرها اليـن تمـوت وانهيهـا
اعز اللـي يقدرنـي واقـرب لجلـه الدلـه =-=-=-=-=-- واقرب له تمار القلب حـب العـز يكسيهـا
انا انسان ما عمري شريت لنفسـي الذلـه -=-=-=-=- اهين اللي يهين اسمي وكرامة نفسي اشريها
خطاي اني صبرت وما صبرت الا على طفله -=-=-=- اساير جهلها واصبر ولو تزعـل اراضيهـا
الا يالله تهديهـا بهدايـه تشمـل القـلـه -=-=-=-=-= طلبتك خالقي تكفى لـدرب الخيـر تهديهـا

مشكوووووور على المجهود
تقبل مروري ,,,